Број на текстови објавени денес: 89
MAZDA-CX3-09.2018
MAZDA-CX3-09.2018-Mobile

Рак на дојка, депресија, ќелавост – што наследуваме од таткото, а што од мајката

Rak-dojke-1-696x464

Ако вашата мајка имала проблеми со срцето, имате 20 отсто поголема веројатност дека ќе имате и вие, откриле четири одвоени научни студии.

Освен бојата на очите, обликот на носот, телесната градба, од родителите, за жал, наследуваме и разни болести.

Прв на листата е високиот холестерол, тврди американската генетичарка Шивани Назарет.

– Едно од 500 лица има генетска мутација која е причинител на семејната хиперхолестеролемија – наследна болест на срцето која може да биде причина за преран срцев или мозочен удар – рекла Назарет. Таа додава дека заболените тешко го регулираат холестерорлот кој се таложи во вените.

Рак на дојка и ќелавост

И додека двајцата родители можат да бидат виновни за високиот холестерол, ракот на дојка се наследува од таткото.

Имено, секој човек се раѓа со гените BRCA1 и BRCA2 кои не создаваат здравствени проблеми додека не се мутирани. Но, жените кои наследиле мутација на едниот или двата BRCA гена од страна на таткото, имаат поголем ризик од настанување на ракот на дојката, особено ако и мајката ја има таа мутација.

Доктор Назарет појаснила дека наведените гени не се опасни по здравјето на мажите, бидејќи ракот на дојка е ретка појава меѓу машката популација, додека истото не може да се каже и за жените.

Ако за губитокот на косата ја обвинувате машката страна на семејството – се обраќате на погрешната адреса. Генот кој има клучна улога кај ќелавоста се наоѓа на хромозомот Х, кој мажите секогаш го наследуваат од мајките, додека жените истиот ген го преземаат од двајцата родители.

За дијабетесот тип 2 најчесто е виновен неуредниот начин на животот, но истражувањата покажуваат дека дури 5 отсто млади имаат знаци на оваа болест иако не се премногу дебели и редовно вежбаат. И тука проблемот е генетскатаа мутација, па станува збор за облик на дијабетес кој научниците го нарекоа MODY.

– Раното препознавање на пациентите со MODY подтипот на дијабетес е многу важно, бидејќи ним им е потребна поинаква терапија која може со години да ја контролира болеста без појава на компликации – рекла Назарет.

Компликациите се јавуваат и кај интолеранцијата на лактоза

Природната интолеранција на лактоза е ретка болест предизвикана со мутацијата во генот кој го произведува ензимот лактаза. Се манифестира со силен воденест пролив кој се јавува набрзо по првиот оброк со млекото (доењето).

– Вродената интолеранција на лактоза се јавува ретко, но 65 отсто возрасни ги почувствувало пречките во варењето по консумирањето на млечните производи – тврди Назарет. Таа додава дека кај повеќето луѓе чувствителноста на лактоза се намалува со годините.

Главоболки и ментални болести
Склоноста кон долготрајните и тешките главоболки проследени со мачнини се наследни во дури 70-80 отсто случаи, тврди д-р Кејт Хенри од Универзитетот Њујорк. Научниците откриле дека генот со назив треск ја предизвикува појавата на мигрените, а тој често се наследува од родителите.

Ако вашата мајка имала проблеми со срцето, имате 20 отсто поголема веројатност дека ќе имате и вие, откриле четири различни научни студии. Начинот на кој претходниот инфаркт на мајката влијае на нашата склоност на него не е во целост разјаснет, но, сепак, е очигледен, тврдат стручњаците.

Околу 10 отсто изнесува веројатноста дека ќе ја наследите склоноста на заболување од депресија, открил американскиот Институт за ментално здравје. Стручњаците објаснуваат дека депресијата е една од психичките болести кои можат да се наследат, покрај биполарното нарушување и шизофренијата.