Број на текстови објавени денес: 0
image003
image003

Петнаесета жртва на малите сипаници во Србија

sipanici-696x366

Единасетмесечно девојче почина во Клиничкиот центар во Ниш поради компликации предизвикани од мали сипаници, потврди началникот за интензивна нега на Детската интерна клиника Дејан Милојевиќ.

– Бебето имаше проблем со белите дробови и со дишењето и беше ставена на респиратор, но срцето лошо одреагира. Имаше застој на работата на срцето – рече Милојевиќ.

Девојчето е петта жртва на сипаници во Ниш и петнаесета во Србија. Според податоците на Институтот за јавно здравје “Милан Јовановиќ Батут” од морбили во Србија досега се заболени 4.740 лица.

Најмногу заболени се децата на возраст од 5 години. Најмладото заболено лице имало 15 дена, додека највозрасната особа имала 70 години. Најголемиот број на заболени лица или 95% биле невакцинирани, недоволно или биле со непознат статус.