Број на текстови објавени денес: 0
MAZDA-CX3-09.2018
MAZDA-CX3-09.2018-Mobile

Најздодевни градови на светот се Истанбул и Сингапур

Доколку може да му се верува на британскиот магазин „Тајм аут“, Сингапур и Истанбул се најздодевните и најмалку возбудливите градови на светот.

И додека Истанбул не се грижи за овие вести, на Сингапур ова и тоа како не му се допадна.

Имено, листата „Сити лајф индекс 2018″ беше објавена откако биле анкетирани 15.000 луѓе, кои го прогласиле Истанбул за најздодевен град, а Сингапур се најде веднаш по него.

На врвот на листата за најзабавни градови се најде Чикаго, а потоа следуваат Порто и Њујорк. Најважните фактори за изборот биле гастрономската и културната понуда, љубезноста, среќата и чувството на задоволство.

Што се однесува за Сингапур, анкетираните ја пофалиле безбедноста и јавниот превоз, но многумината дале ниски оцени за културната понуда, а само 17 отсто од анкетираните изјавиле дека во Сингапур секогаш може нешто да се прави и да се посети.

Ова предизвика лутина кај Сингапурската туристичка заедница која на својата Фејсбук страница објавила видео од 56 секунди со иронична порака „Сингапур е здодевен, тука нема што да посетите”.

Во видеото се прикажани трките на Формула 1, филмските студија, научни и уметнички музеи, но снимки и од ресторанот кој ја носи Мишелиновата ѕвезда.