Број на текстови објавени денес: 89
MAZDA-CX3-09.2018
MAZDA-CX3-09.2018-Mobile

„Битолски весник” одбележа 54 години

bitolski-vesnik

Редакцијата на „Битолски весник“ денеска одбележува 54 години од денот на основањето, ден кога на 29 април 1964 година беше промовиран првиот број на весникот чиј главен и одговорен уредник бил новинарот Владо Ласковски.
Менде Младеновски, денес, прв човек на Весникот, за МИА изјави, денот на основањето го одбележуваме скромно и со торта, користејќи ја енергијата да издржиме со сите предизвици со кои денес се соочуваме.

– Цели 54 години „Битолски весник“ непрекинато е редовен гостин во најголем број битолски семејства во градот, државата, но и во странство. Успеваме, иако пазарните услови се тешки, посебно во просторот на печатените медиуми каде многу весници не успеаја да преживеат. Се бориме на ветрометина, пазарно и конкурентно и опстојуваме, затоа што како што некои велат токму „Битолски весник“ е сведок и хроничар на градот, светилник на битолското, но и македонското новинарство, нагласи Младеновски.

„Битолски весник“ од денеска почнува со подготовките на 55. роденден кој ќе биде посебно осмислен и кој ќе го потврди аманетот на бројни генерации новинари во Весникот кои со својот професионализам издржале кога било најтешко, охрабрени од читателите поддржувачи и без страв од поединци кои често посакувале крај на весникот, посочи новинарот Менде Младеновски на денешното одбележување. (МИА)