Број на текстови објавени денес: 0
DVE-LIRI-Baner6-970x90

Мурињо: Да го освоиме трофејот во Лига Европа за совршен крај на сезоната

1 mur

Менаџерот на Манчестер Јунајтед, Жозе Мурињо ги пофали играчите за односот кон играта и пласманот во финалето на Лигата на Европа по синоќешниот натпревар со Селта.

Јунајтед на реваншот на „Олд Трафорд“ одигра 1:1 и по минималната победа во Виго обезбеди натпревар за трофејот, но и можност за директен пласман во Лигата на шампионите.

– Манчестер имаше многу полуфиналниња, но очигледно ова беше најважно. Мило ми е што тимот во согласност со важноста на мечот имаше голема желба. И кога во еден момент имавме проблем, фудбалерите со ментална сила победија, рече Мурињо, а пренесе „Скај Спорт“.

Јунајтед во финалето на второто по квалитет клупско европско натпреварување ќе игра против Ајакс на 24 мај во Стокхолм.

– Имаме одлична можност да го освоиме трофејот и да се вратиме во Лигата на шампионите. Тоа би бил совршен крај на сезоната, смета Португалецот.