Број на текстови објавени денес: 18

Чаша вино пред цигара, ќе го поништи нејзиното штетно дејство?

1969093704582c54c727c84396033382_v4-big

Најновите откритија на научниците укажуваат на тоа дека чаша црвено вино пред да испушите цигара може да ја спречи штетата која ја предизвикува пушењето.

Виното содржи хемикалии кои штитат од краткорочно оштетување на слузницата на крвните садови. Научниците ги истражувале ефектите од пушењето на крвта и артериите на 20 здрави непушачи кои учествувале во истражувањето.

Половина од нив пиеле црвено вино еден час пред пушењето, што спречило од ѕидовите на артериите да излезат микрочестички, тромбоцити и бели крвни зрнца.

Исто така, намаленото воспаление и забавениот генетски процес на стареење во клетките е поврзан со ензимите и теломеразите – кое се забрзува по пушењето.

 

Активноста на теломеразата кај волонтерите кои не пиеле вино пред да запалат цигара, опаднала за 56 отсто, додека кај оние кои се напиле чаша вино, опаднала за само 20 отсто.

Главната научничка, докторката Викторија Шварц од Универзитетот Сарланд во Хамбург, рекла:

„Целта на нашето истражување беше да се испитаат васкуларните ефекти на црвеното вино кај здравите индивидуи пред да запалат цигара. Откривме докази дека консумирањето на црвено вино спречува васкуларни повреди предизвикани од пушењето“.

Викторија Шварц додала и дека со оглед на тоа што студијата била фокусирана на здрави непушачи, не е сосема јасно дали ова откритие би можело да се однесува и на постарите, болни страстни пушачи.

 

Докторката Шварц истакнала и дека таа и нејзиниот тим со ова истражување не сакале да ги мотивираат повремените пушачи да почнат да пијат, ниту оние кои повремено пијат вино да почнат да пушат цигари.

 

Фото: www.b92.net/Thinkstock