Број на текстови објавени денес: 65

Томи Стефановски добитник на наградата „13 Ноември“

tomi-stefanovski2

Сојузот на спортови на Град Скопје денеска ги додели признанијата „13 Ноември“ кои традиционално по повод Денот на ослободувањето на главниот град се доделуваат на истакнати спортисти. Пливачот на маратони Томи Стефановски ја доби наградата за најдобар спортист.

Наградата „Животно дело“ ја добија фудбалските великани Мето Спасовски и Мирко Илиевски.

Машката ракометна екипа на Вардар доби признание во конкуренција на екипи.

Признанија 13 Ноември им беа доделени и на: фоторепортерот Денис Дуковски, спортската редакција на МРТ, карате-тренерот Бошко Заборски, судиската двојка Ѓорѓи Начевски и Славе Николов, професорот по физичко образование во ОУ „Гоце Делчев“, општина Илинден, Благоја Митровски, спонзорот на ЖКК „Бадел“, Љупчо Павловски и претседателката на Виз-ер Скопскиот маратон, Тања Панделевска.