Број на текстови објавени денес: 0

Сто евра чини животот на еден работник

%d0%ba%d0%be%d0%bc%d0%be%d1%80%d0%b0-3

Целосен хаос владее во областа безбедност и здравје при работа. Законските измени правени изминатите шест години ја оддалечија дејноста од стандардите на ЕУ. Сè е сведено на на формално исполнување на обврските, но резултатите се погубни за работниците, тврдат од Групацијата за безбедност и здравје при работа при Стопанската комора. Само 100 евра е цената не животот на еден работник, ако се гледа колку работодавецот треба да плати за формална примена на Законот за безбедност и здравје при работа.

Бараат промена на концептот за безбедност и здравје при работа, усогласување на проблематиката со законите на САД, Велика Британија и со носечките земји во Европската унија, промена на подзаконските акти кои се недоречени, несеопфатни и наместа конфузни и носење на нови за областите кои не се целосно опфатени, координација меѓу министерствата за да се надмине преклопување на обврските како и вклучување на фирмите кои се занимаваат со оваа дејност во изготвувањето на измените.

Според првите луѓе на оваа Групација, проблемот е во тоа што Законот за безбедност и здравје при работа десет пати е променет.

– За шест години далеку сме од она што беше првиот текст на Законот од 2007 година. Законот е изменет 10 пати и создаде целосна конфузија во примената.Стандардите веќе ги нема, а нивната примена е формалност. Работниците пак се недоволно информирани за нивните права – изјави на денешната прес-конференција претседателот на групацијата, Сашо Стојмановски.

Сето тоа, како што рече, директно се одразува на работниците.

– Ако една од целите на Законот е заштита на вработените и намалување на бројот на несреќи на работа, а со тоа бројот на повредини вработени или изгубени животи, тогаш оваа цел не е постигната. Бројот на смртни случаи и повреди на работно место од година во година се во пораст, а тоа е резултат на нефункционалноста и непримената на стандардите за безбедност и здравје при работа – вели Стојмановски.

Според него, 100 евра е цената не животот на еден работник, ако се гледа колку работодавецот треба да плати за формална примена на Законот за безбедност и здравје при работа.

– Обуката на работник за безбедност при работа е 5 евра, неговата изјава чини 45 евра, мерење на физички, хемиски и биолошки штетности, проценка на ризици, испитување на опрема за работа чини до 10 евра, мерењето на бучавата од 5 до 10 евра… – појасни Стојмановски

Посебен проблем, велат од Групацијата, се лиценците и обуките на стручните лица кои треба да ги применат стандардите.

– Моментално нема „с“ од стручни кадри во областа. Постојат само 55 лиценцирани стручни лица, а тие трошат само 14 часа во една фирма. Инспекторите пак, на трудот при контрола на проблематиката во фирмите трошат само 180 минути – посочува Стојмановски.

Од Групацијата во која члениваат 40 фирми кои се занимаваат со дејноста, очекуваат политичките партии сега пред избори да го разгледаат и овој проблем и да понудат решенија кои ќе дадат резултати во практика.