Број на текстови објавени денес: 0

Средба Шекеринска-Фраj: Победнички листи за обнова на демократскиот капацитет на Собраниет

%d1%80%d0%b0%d0%b4%d0%b011

Заменик претседателката на СДСМ, Радмила Шекеринска денеска се сретна со Торстен Фрај, пратеник во германскиот Бундестаг кој беше придружуван од директорот на фондацијата Конрад Аденауер во Македонија, Јоханес Раи.
Шекеринска истакнала дека СДСМ ги промовираше своите победнички листи со кандидати за пратеници кои ќе го обноват демократскиот капацитет на Собранието на Р.Македонија.
– Институциите мора да работат во интерес на граѓаните. Неопходно е целосно спроведување на итните реформски приоритети од Извештајот на Прибе и на тоа се обврзува идната одговорна Влада на СДСМ. Институциите ќе се ослободат од системската контрола на власта во заминување и ќе профункционираат во интерес на граѓаните. Граѓаните на Р.Македонија цврсто се решени дека иднината на земјата ја гледаат во ЕУ и НАТО и затоа промените коишто доаѓаат на 11 декември се првиот чекор кон тоа. Ќе ги вратиме демократските процеси и владеењето на правото во земјата – рекла заменик претседателката на СДСМ.

Заеднички било заклучено дека е неопходно да се одржат фер и демократски избори на 11-ти декември, граѓаните слободно да гласаат и да се избере стабилна влада која ќе ја врати земјата на патот на евроатлантските интеграции.