Број на текстови објавени денес: 49

Серија земјотреси во Грција ја стресоа и Македонија

zemjotres-igla1

Земјотрес со магнитуда од три степени според Рихтеровата скала со епицентар во Грција, е почувствуван рано изутрината во 02 часот и 44 минути во јужните делови на Република Македонија.

Природно-математичкиот факултет во Скопје соопшти дека интензитетот на земјотресот на територијата на Македонија бил меѓу три и пет степени според Европската макросеизмичка скала.

Ова е втор земјотрес во изминатите 12 часа со епицентар во Грција кој е почувствуван во југоисточна Македонија. Првиот беше регистриран ноќеска во 00 часот и 12 минути со магнитуда од 5,1 степен според Рихтер, а беше почувствуван во Гевгелија, Богданци и Струмица со интензитет од четири до пет степени според Европската макросеизмичка скала. Како што јавуваат локалните медиуми граѓаните во Струмица биле вознемирени, а некои излегле и на улица, исплашени од потресот.