Број на текстови објавени денес: 60

Пред отворање на Божиќниот панаѓур во Стразбур уапсени 4 лица осомничени за тероризам

francija-strazbur-policija-apsi

Припадници на француската Дирекција за внатрешна безбедност (ДГСИ) вчера во раните утрински часови уапсија четири лица во Стразбур, како дел од истрагата против осомничени терористи, јавува дописникот на МИА од Стразбур.

Судсики извор соопшти дека синоќа на четирите лица им е одредена мерка притвор.

Апсењата се спроведени во рамки на прелиминарната истрага, покрената пред неколку дена од страна на антитерористичкото обвинителство.

Четирите осомничени терористи се уапсени на помалку од една недела пред отворањето на познатиот Божиќен панаѓур во Стразбур, закажано за в петок, кој секоја година привлекува по околу два милиони луѓе на улиците на оовј град во источна Франција.

Според весникот „Паризиен“, апсењата биле спроведена вчера околу 3 часот во квартот Мено о Нехов во јужниот дел од Стразбур. Уапсените биле забележани пред два дена кога веројатно очекувале испорака на оружје.

Меѓу потенцијалните цели на осомничените биле голем број на јавни места, вклучувајќи полициски станици во Стразбур и Божиќниот панаѓур.

Префектот на Алзас, Стефан Фратачи, неодамна изјави дека „во случај на прецизни и детални информации“ за терористички закани, Божиќниот панаѓур би можел да биде откажан.