Број на текстови објавени денес: 46

Нов ограничен број на партер и фан-пит билети за Жан-Мишел Жар!

f1631c56-ca77-4e76-9518-e2f5036939cb

Радосна вест за сите фанови на Жан-Мишел Жар кои не успеаја да ги набават распродадените фан-пит и партер влезници: по огромниот број реакции од публиката и барања за овие билети за спектакуларното отворање на Таксират 18, од денеска фан-пит и партер билетите се достапни во продажба со нова количина!

 

Станува збор за нов, мал контингент на билети кои се одобрени од страна на менаџментот на Жан-Мишел Жар, но во строго лимитиран број. До концертот во Скопје кој ќе се одржи на 13 ноември остануваат уште две недели, што значи дека треба да бидете брзи.

Во продажба се сѐ уште блок и ВИП билетите, а цените за сите билети останува иста:

партер: 1000 денари,
фан пит: 1200 денари,
блок 5, 6, 10, 11: 1200 денари,
блок 7, 8, 9: 1300 денари,
блок 3: 1500 денари,
блок 2, 4, 12, 14: 1600 денари,
ВИП (блок 13): 2000 денари.
Концертот на Жан-Мишел Жар во Скопје ќе се одржи на 13 ноември во Вип Арената Борис Трајковски, а билетите се достапни во продажната мрежа на МКтикетс, односно:

Во Скопје: Југотон, Tobacco 2, Tobacco Југодрво, MPM Tobacco (плоштад), Гоги Драчево, Универзална Сала,Цвеќара Розе Веро 2, Кафе Круг (Аеродром) Нептун Стадион, Нептун City Mall, Нептун Аеродром;
Во Охрид: New Tobacco;
Во салоните на Нептун низ Македонија: Струмица, Кавадарци, Гевгелија, Велес, Куманово, Гостивар, Струга, Охрид, Кочани, Штип и Прилеп;
Во Битола: Бар Чаршија и Хард Рок Кафе;
Во Куманово: Кафе Агора;
Во Прилеп: ТА Бран;

Онлајн на mktickets.mk/jean-michel-jarre

Генијалниот Жан-Мишел Жар кој е веќе 4 децении активен на светската сцена, гордо ја носи титулата пионер на елкетронската музика. Тој настапува прв пат во Македонија и тоа како дел од големата светска турнеја што ќе биде своевидно заокружување односно круна на проектот „Електроника“ – албум во два тома, првиот издаден лани, вториот годинава. Како што е најавено, покрај новите композиции, посетителите ќе имаат прилика да се потсетат и на старите фаворити од неговите класики „Оксижен“ и „Еквинокс“, а сето тоа придружено со незаборавно аудио-визуелно доживување преку совршениот спој на многубројните сценски ефекти што ја интегрираат најновата технологија на звук и светло.

Жан-Мишел Жар, покрај несомнените заслуги за етаблирањето и популаризацијата на електронската, амбиенталната и њу-ејџ музика, е основоположник и на мултимедијалните перформанси какви што ги знаеме денес. Истовремено, познат е и по тоа што го постави, а подоцна неколку пати го рушеше, сопствениот Гинисов рекорд за најголема посетеност на концерти на отворено, вклучувајќи го оној во Париз, пред 2,5-милионска публика, како и спектаклот во Москва, по повод 850-от роденден на градот, кадешто присуствуваа неверојатни 3.500.000 посетители.