Број на текстови објавени денес: 0

Ердоган: Гласањето во ЕП за прекин на преговорите нема никаква вредност за нас

turcija-eu1

Турскиот претседател Реџеп Тајип Ердоган денеска изјави дека гласањето во Европскиот Парламент за евентуален прекин на пристапните преговори меѓу ЕУ и Анкара ништо не и значи на неговата земја и повторно ја обвини Европа дека стои зад терористичките организации.

-Повеќе пати јасно кажавме дека многу повеќе ги почитуваме европските вредности од многу земји на ЕУ, но не можевме да ја видиме конкретната поддршка на западните пријатели… Ниту едно ветување не е исполнето, рече Ердоган на конференцијата на Организацијата за исламска соработка во Истанбул.

Ердоган кажа дека пратениците на ЕП утре ќе гласаат за преговорите со Турција.

-Каков и да биде резултатот, тоа гласање нема никаква вредност во нашите очи, рече тој, а пренесоа британските медиуми.

Лидерите на двете најголеми групи во Европскиот Парламент вчера ја повикаа Европската Унија да ги прекине преговорите со Турција заради постапките на властите од оваа земја по обидот за пуч во јули годинава.