Број на текстови објавени денес: 0

ДИК ги објави листите на кандидати за пратеници

%d0%b4%d0%b8%d0%ba-2

Државната изборна комисија денеска ги објави листите на кандидати за пратеници на претстојните парламентарни избори закажани на 11 декември. Право на глас имаат вкупно 1.784.524 граѓани. Во дијаспората ќе можат да гласаат 20.591 македонски државјанин.

ВМРО-ДПМНЕ, СДСМ, ДУИ, коалицијата ВМРО за Македонија имаат поднесено листи за пратеници во сите седум изборни единици.

ДПА поднела листи за пратеници во првата, втората, третата, петтата и во шестата изборна единица.

Коалицијата за промени и правда – Трет блок поднела листи за пратеници во сите изборни единици во Македонија, но не за изборната единица 7, каде што треба да гласа дијаспората.

Партијата за демократски просперитет поднела листа на пратеници само во шестата изборна единица.

Коалицијата Алијанска за Албанците и движењето Беса пратенички листи поднеле во првата, втората, петтата и во шестата изборна единица.

Либералната партија и Левица свои листи ќе им понудат на гласачите од изборните единици во земјава, освен во шестата изборна единица, а немаат кандидатска листа во седмата изборна единица, односно за дијаспората.

 

 

извор: МЕТА