Број на текстови објавени денес: 70

Во БиХ уапсен осомничен за поврзаност со оружјето откриено близу домот на Вучиќ

bosna-policija-apsenje

Властите во Република Српска приведe маж, осомничен дека е поврзан со оружјето кое пред десетина дена беше пронајдено во близина на семејната куќа на српскиот премиер Александар Вучиќ во белградската баселба Јајинци.

Според информациите на Министерството за внатрешни работи на Република Српска, апсењето е извршено по меѓународна потерница издадена од Србија, по обвинение за незаконско поседување на оружје и експлозивни материјали.

Осомничениот е уапсен во Бања Лука за време на викендот и е предаден на судот на Босна иХерцеговина за евентуална одлука за екстрадиција.

Во шума близу куќата во која живеат родителите на Вучиќ во Јајинци, полицијата откри рачен ракетен фрлач, рачни бомби и муниција за снајпер и автоматска пушка.

При истрагата било утвредено дека рачниот ракетен фрлач, кој се користи за уништување на тенкови и оклопни возила, е набевен од црниот пазар во Хрватска, а две од рачните бомби се од босанско производство.