Број на текстови објавени денес: 0
LAKI HOTEL
LAKI HOTEL

Сајла му паднала врз глава додека му помагал на соседот

download-1567

Во коматозна состојба е 52-годишниот М.П. од битолското село Свети Тодорци кој тешко е повреден во несреќа додека му помагал на сосед чиј што трактор заглавил во кал.

Полицијата од Битола денеска извести дека двајцата мажи вчера на пладне тргнале да собираат дрвја. На враќање, тракторот на 35-годишниот О.А. заглавил во калливиот пат. За да му помогне, М.П. го паркирал тракторот пред неговиот, го врзал расипаниот трактор со сајла и се обидел да го привлече. Но, поради брзиот старт, сајлата пукнала и го удрила М.П. по глава.

Од силниот удар тој паднал од тракторот и бил во безсознание. Соселанецот со тракторот го однел до соседното село Иванковци од каде со возило на Итна помош е пренесен во битолската Клиничка болница. Од таму денеска известија дека неговата здравствена состојба е непроменета од вчера и дека е во животна опасност поради сериозните повреди кои ги задобил на черепот.