Број на текстови објавени денес: 76

Како конечно да го победите целулитот? Топ совети против најголемиот непријател на жената

cellulite

Со првите топли денови жените обично ги фаќа паника како да се соблечат во кратко здолниште и панталони, кога сè уште не се ослободиле од целулитот. За да се изборите што побрзо со овој естетско-здравствен проблем, борбата започнете ја сега.

Секое утро на празен желудник испијте две мали лажици јаболков оцет, бидејќи тој е одличен чистач на организмот и ќе ви помогне да ги елиминирате токсините.

– Во исхраната вклучете ленено семе, овесни снегулки и јачмен.
– Кељот, брокулите, блитвата и спанаќот би требало да бидат основата на исхраната, бидејќи се богати со витаминот Ц, калиум и калциум, а имаат мошне малку калории и не содржат масти.
– Избегнувајте премногу солена и зачинета храна, бидејќи таа ја задржува водата во телото, а тоа е една од основните причини за настанување на целулитот.
– Секој ден најмалку еднаш испијте зелен или чај од бреза, кој исто така го подобрува исфрлањето на вишокот течности.
– Заборавете на фабричките сокови полни со шеќери, а наместо нив пијте уште повеќе вода – два литра дневно се пожелна доза.
– Издвојте секој ден барем 20 минути за вежбање за да го забрзате метаболизмот.
– Пред спиење нежно масирајте ја кожата зафатена со целулит со талог кафе, бидејќи тоа ја стимулира циркулацијата на крвта и лимфата. Потоа, туширајте се наизменично со топла и студена вода.